自從呢日(20090405 sunday)同日藉無國界醫生 和 北海道牧場千金小姐 見面後，我一路未交佢地個囍帖design...日藉無國界醫生 趨左幾次，我左閃又避左幾個星期。
我死諗難諗唔可以做得衰又唔想係d 好有型的design，話晒我個人咁"良"，而且日藉無國界醫生 和 北海道牧場千金小姐 都係斯文人，我要保守d先得...XD，於是我諗到做一張似本書的囍帖。
出左個design 後，我又拖左佢地幾星期，最後佢地特登黎我屋企迫我嘔個實物出黎。個囍帖結果做左三個dummy ，設計上基本無變，只係係手工上有所加減，以作為體諒印廠 (印得個小小，怕人地唔想做太多手工) 同一對新人的荷苞(張帖人地看完就可能掉，做得太貴唔值得)而作的改動。
佢地好滿意咁走左後，神神秘秘咁又唔話選左邊個，到我前日收到帖時才知。
哇! 開心死死，係印左原版最多手工的那個:
水彩紙，面咭為圓角，前後有圓型紙杯加紅繩，
內頁係貼上去的風琴摺，
信封係買現成的，係一個閃的音花紅封，
夠爆，夠晒「囍帖」feel
(怕個咭太保守無乜紅色，所以個信封上先有個紅色囍報 XD hahaha)
登登~ 登登~ (以下呢個係book design 黎架 XD hahaha) ，朋友們，快d 結婚找我做囍帖 XD
.jpg)
